Confidence Makes You Beautiful :)

Naalala ko ang isa sa pinakamakulit na estudyante na aking nakasama sa byahe. May mga tanong sya na di masagot at karamihan ay mga “out of the box” na tanong. At pag sya’y sumagot talaga naman,  apo yata ni Pilosopo Tasyo. J  Tatlumpong minuto na lang at malapit na kami sa paaralan ng s’yay nagtanong sa kanilang Tagapayo. “Ms sa palagay ninyo sino ang pinakamaganda at pinakaguwapo sa ating klase.?”  Di agad nakasagot si Ms Bebot ngumiti lang sya at para lang mapagbigyan ang kanyang tanong. Sinabi nyang lahat ng lalaki ay guwapo si Joseph, si James at lahat ng babae ay maganda . Pero di sya nakuntento sa sagot ni Ms Bebot at humirit pa sya kalaunan tumahimik syang panandali. At dahil Labinlimang minuto na lang ay mararating na namin ang kanilang paaralan. Syempre farewell speech at thanksgiving, at bago ang lahat binalikan ko ang tanong ni Iya ang makulit na mag-aaral. “kanina may nagtatanong sa inyo kung sino ang pinakamaganda at pinakaguwapo.” Panimula ko kaagad naman syang tumugon at tumawa “ako ‘yon” sagot nya. “Oo ikaw nga ‘yon pabiro kong sagot sa kanya upang sya ay tumahimik. “Para sa akin ang pinakamaganda at pinakaguwapo sa lahat ay ‘yon taong may tiwala sa sarili nya. Dahil sino pa ang magmamahal at magtitiwala sa iyo, kung ikaw mismo na may katawan ay di pinapahalagahan, at nagtitiwala sa iyong sarili.”lagi mong sasabihin  sa sarili mo na anak ka ng Diyos at maganda ka. Humirit sya ulit “eh pano po ‘yon may mga kulang ng tiwala sa sarili meron naman pong sobra. “ “yon lang dapat tama lang. “Sa kabila ng lahat ng iyong tiwala sa sarili samahan natin ito ng kapakumbabaan. Dahil lahat ng sobra ay masama.” “yon simple pero rock.” Pabiro kong pagtatapos.

Ikaw kaibigan paano mo masasabing maganda o guwapo ang isang individual?